Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Одоогоос 16 жилийн өмнө дунд хүү маань төрж байжээ. Цаг хугацаа ямар хурдан юм бэ? Миний үр багадаа бөөрөнхий хэлтэй байсансан. Хүүгийнхээ хэлийг нь зүгшрүүлэх гэж цэцэрлэгийнх нь дуу хөгжмийн дугуйланд оруулан, сайн багшийн ачаар дуу хөгжимд дуртай болж өөртөө итгэлтэй болж эхэлсэн байх гэж бодож байна.
Өнөөдөр хүү минь насанд хүрч төрийн хүн болно. Төрдөө данстай эр хүн болох нь. Эвий үр минь чинийхээ байгаа бүхнээ хайртай хүмүүстээ зориулдаг нинжин сэтгэлийг ээж нь хүндэлдэг.
Миний үр яруу сайхан төгөлдөр хуурын их эрч хүч, нинжин ариун сэтгэлийн агуу гайхамшигаар хос жигүүрээ хийн сайхан амьдралын тэнгэрт Монголоо төлөөлсөн сайн хөгжимчин, сайн хүн болохыг ээж нь ерөөе дөө.
Эхийн цагаан сэтгэл, эх нутгийн ээж бүхний үрээ гэсэн сэтгэлийн сүүн өргөл энэ хорвоог гийгүүлэн, хүмүүний амьдралыг уяраасаар л байх болтугай.
Миний үр тэмцээн уралдаандаа амжилттай оролцоод, сайхан Монгол эх орныхоо сайн хүү болоод ирээрэй. Чиний төлөө багш чинь хичнээн их зүйлийг зааж сургасан билээ дээ үр минь. Сайн багш бол амжилтын, амьдралын замын чинь 99 хувь юм шүү. Одоо чиний энэ насны хөдөлмөр бол ганц хувь мэт боловч их үнэ цэнэтэй тоо юм.
Миний хүү маш их хичээгээрэй. Чин сэтгэл байхад бүхий л зүйлийн учир шалтгаан чиний хөл дор байна. Тийм учраас өөртөө итгээрэй. Чи минь ээж аав гэр бүлийн хүү байсан бол өнөөдрөөс Монгол эх орныхоо хүү нь боллоо . Чамдаа сайн сайхан бүхнийг ерөөе. Ээж нь.
Монгол улс.
Улаанбаатар хот.
Бага тойруу.
2018-07-03
Өнөөдөр Монголд /2018 оны 1-р сарын 31-нд/ сарны бүтэн хиртэлт болох гэж байна. Энэ хиртэлт нь нийт 5-н цаг 17 минут үргэлжлэх ба эхлэл нь 2018 оны 1-р сарын 31-ны 18:51 цагт болж, оргил үе нь 2018 оны 1-р сарын 31-ны 21:29 цагт болж, төгсгөл нь 2018 оны 2-р сарын 1-ны 00:08 цагт болох болно.
Сар хиртэлт гэдэг нь Сар Дэлхийн сүүдэрт орох үзэгдэл ба Нар, Дэлхий, Сар гурав энэ л дарааллаараа нэг шугаманд давхцаж, эсвэл бараг нэг шугаманд орох үед ажиглагдана. Сар хиртэлт нь зөвхөн тэргэл сартай үдэш л ажиглагдана. Нар хиртэлт нь дэлхийн тодорхой нэгэн хэсэгт л багахан орон зайд ажиглагддаг бол харин сар хиртэлтийг дэлхийн аль ч хэсгээс шөнөдөө ажиглах боломжтой байдаг юм байна. Сарны хэмжээ жижиг учраас нарны бүтэн хиртэлт хэдхэн минут үргэлжилдэг бол сарны хиртэлт хэдэн цагаар үргэлжилнэ. Мөн сар хиртэлтийн үеэр сар энгийн тэргэл сараас илүү хурц болдоггүй тул тусгай багаж ашиглалгүй энгийн нүдээр харахад аюулгүй байдгаараа нар хиртэлтээс ялгаатай.
Одон орон, зурхайд сарны хиртэлт огцом юмуу гэнэтийн өөрчлөлтийг авчирч чадах гүн гүнзгий өөрчлөлтийн цаг гэж үздэг тал ч бий. Учир нь Сар хиртэлтийн үед сансар огторгуйн нэгэн эрчим хүчний урсгал үүд хаалгаар орж ирэх адил урсан орж ирдэг онцлогтой. Иймд таны амьдралын урсгалыг өөрчлөх, шилжүүлэх, чиглэлийг өөрчилж чадах хангалттай хүчтэй байдаг.
Хиртэлт гэдэг бол сансар огторгуй, энэ ертөнцөд тусалж байгаатай адил . Ертөнцийн гар болсон “Хиртэлтийн эрчим” дээрээ гараа сунган таныг хаа байх хэрэгтэй газарт нь байрлуулж байгаа гэж төсөөлж болно. Энэ газар нь магадгүй таны байхыг хүссэн, бодсон газар биш байж болох ч энэ бол таны яг байх хэрэгтэй газар байх болно. Энэ хиртэлтийн нэг сайн зүйл нь түүний чиглүүлж байгаа чиглэлд та ерөнхийдөө итгэж болно гэсэн үг.
Сар хиртэлт нь голдуу, зөвхөн танд зориулан бичсэн сансрын төлөвлөгөөний хэсэг болох тохиох ёстой үйл явдлыг танд авчирдаг. Гэхдээ энэ бол их олон аз, зохицол, тэнгэрлэг давхцалуудыг тохиолдуулдаг. Үнэндээ энэ хиртэлтийн үеэр таны замд ирж байгаа юу ч байлаа гэсэн хурдан шийдэгдэх бөгөөд хачирхалтай нь асуудал таны талд сайнаар шийдэгдэх талтай байдаг. Энэ хиртэлтийн эрчим маш хүсэн хүлээсэн, гэрэлтсэн бөгөөд яг л ертөнц таны анхаарлыг таны амьдралын тодорхой хэсэгт маш онцгой шалтгаанаар авчирж байгаа гэмээр байдаг юм байна.
Энэ сар хиртэлт нь онцгой үйл явдал бөгөөд ер бусын шидэт, дагуулах хүч болдог учраас бид итгэл дүүрэн, аливааг шинэ соргогоор харж урагш тэмүүлэхэд дэм болно.
Бид хязгааргүй сансар огторгуйд дурлан ямагт дээш, бүр өндөрт тэмүүлэн дурладаг шүү дээ.
Хязгааргүй уудам орон зайд тайлагдашгүй гайхамшигт учралууд дүүрэн буй за.
Бид орчлонгийн нэгэг хэсэг нь юм болохоор эх дэлхийгээ амгалангийн өлгий байгаасай хэмээн хүсэн залбирч болох болов уу.
Сайн сайхан тэр л зүйлийг хүсэмжлэн хязгааргүй сансрын эрчимтэй хэсэгхэн хугацаанд нэгдээд үзье. Магадгүй хүмүүн бидний ухамсартай эрчимт тэмүүлэл энэ орчлонд гайхалтай сайхан ирээдүйг ч авчрахад дэм болох хүчтэй гэдэгт найднам.
За танд амжилт хүсье. Хязгааргүй сайхан жаргалангийн орон болох болтугай бидний эх дэлхий минь
Өнөөдөр нар инээсэн тийм л сайхан өдөр байна.
Хязгааргүйд баясан жаргах Бурхад юутай сайхан.
Цэв цэлмэг тэнгэр хөв хөх өнгөтэй. Алсын уудамд тань өнөөдөр л умбан шумбамаар тийм сайхан өдөр байна.
Хэзээ энд ирэхээ дахин хаана буудаллахаа эс мэднэм би.
Ганцхан энэ орчлон хорвоо бидний эх дэлхий жаргалангийн өлгий гэдгийг л мэдэж байнам.
Өр зүрхний минь гүнд нууцхан амьсгалах Бурхан минь таны хайранд таларханам.
Баярлалаа.
Яаж ч өөрийгөө өөрчилж чадахгүй нь.
Ямар сайхан дэлхийд байгаадаа л талархая.
Би Таныхаа аниргүйхэн мишээх гэрэл цацарсан инээмсэглэлд тань дурлажээ.
Би Таныхаа гэрэл, илч дулаан болон өглөө бүхэн ирдэг итгэл найдвард тань дурлажээ. Би Таныхаа жаргаланг урин дуудах энэ орчлонгийн дуун аялгуунд тань дурлажээ.
Тиймээ, үнэндээ Бүхий л Бурхад нэг л янзаар инээж, нэг л янзаар хайрлаж, нэг л янзаар үнэнг чин үнэнчээр тунхагланам. Хайсан эрснээ олоход тэрээр хязгаарГүй, хэмжээлшгүй, төсөөлшгүйн гүнд, холын холд хэрнээ өр зүрхэнд минь хамтдаа цохилон цохилон, булгилан булгилан байсныг тань олох юутай сайхан.
Та минь үнэндээ Бидний хайртай бүхэнтэй цуг оршиж, өхөөрдмөөр инээх бяцхан хүүхдийн дуу хоолойнд нуугдаж, Нэг л янзаар нууцлагхан инээсээр л. . .
Би таныхаа инээмсэглэлд дурлажээ. Бүх бурхад аав ээж, эмээ өвөө, ах эгч, анд нөхөд, үр хүүхэдээр минь дамжуулан энэ орчлонд аз жаргалыг тунхаглан инээсээр л. . .
Я надеялся, что мой старый друг придет и ждет тысячи лет. В обычном мире, в глубине каждого мыслимого и безошибочного пути, причина этой вселенной идет яростно.
Давайте начнем петь бесконечную песню
несчастливая радость и счастье
Сегодняшний день наш подсчет, настоящая надежда и успех - это миф о пространственной силе и энергичном перечислении, просвещении и просвещении. Три энергии слияния продвигаются на один шаг вперед ...
Я не знаю, откуда вы пришли, но кто живет с возможностью узнать, кто я ...
Эртний анд минь ирнэ гэдэгт итгэж байсан аж, мянга мянган жил хүлээсээр л байсан аж. Энгийн бүхний дотор хязгааргүй жаргалан нуугднам, энгийн даруухан бүхний гүнд энэ орчлонгийн учир шалтгаан оргилон оргилон байнам.
дуусашгүй сайхан дуугаа дуулж эхэлье
дундаршгүй жаргалан жаргалан жаргалан
өнөөдөр маргааш нөгөөдөр бидний тоолол, үнэн итгэл найдвар амжилт нөхөрлөл тэнгэрлэг хязгаарын чанадын тоолол, гэрэл гэгээ илч дулаан, өсөн дэвжих хүч чадал орон зайн тоолол. Чандмалан нэгдэх гурван тоолол эрч хүчээ аван нэгэн зүгт дэвшнэм...
Хаанаас ирсэн хаачихаа мэдэхгүй ч харин хэнийх гэдгээ мэдэх боломж олгосон амьдрал танд талархья...
Цэв цэнхэрхэн тэнгэрийг би өдөр бүхэн тэврэн авах дуртай.
Гэрэл гэгээг орчлонд тунхаглахдаа гэгээхэн хүслээ дайдаг болоод л тэр байх. . .
Давалгаалан давалгаалах тэнгис далайн эрэг дээр зогсоод
даанч их агуу уудамд нь уяран уярахдаа хэмжээлшгүй Их хайрын дуунд нь орчлонгийн оршихуйн жаргалан шингэснийг мэдрэн мэдрэхдээ би жаргалтай. . .
Шөнийн тэнгэрт асгарсан сувд шивнэн шивнэн аяархан илбэн илбэн энхрийлнэм
Алсын алсад хэдий ч амин зүрхэнд минь дэндүү ойрхон анивчих одод мин
чи жаран жаранг гатлан жаргалангийн далайг эх дэлхийд минь авчирна уу. . . . . .
тэнгэр, тэнгис, огторгуй, одод . . . . . .
Үүлэн цоорхойн гүнээс аажуухан будран будрах зуны үдшийн цас нь үлгэрийн мэт энэ л амьдралыг өчүүхэн надад бэлэглэсэн юм болов уу. . .
.Үүрийн гэгээ, шувуудын жиргээ, хөвөн хөвөх хөгжилдөх үүлс, цас, бороо, салхи, үзэсгэлэнт солонго, энгэр дээр эрхлэх алиахан үрс. . . . . .
Орчлонгийн өчүүхэн эд эс би орь ганцаар хязгааргүйд хөвөөгүй ээ,
сайхан хайраар хамтдаа жигүүрлэсэн та нартаа баярлалаа.
Би Хүмүүн-Бурхадын, Тэнгэрлэг-Бурхадын энэрэл нигүүлсэлд жарганам . . .
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам