Жингэнэх хонхны дуу

Алтан нарны цацраг нь
 Амьтан бүхний мөс мэт сэтгэлийг зөөллөн зөөллөсөөр л байх болтугай. Ариун урсгал Рашааныг тань 
 Амссан бүхэн аливаад өрөвч сэтгэлээр хандах болтугай. 
 Агшин бүрийн амьсгал тань Асар мэргэн-цэцэн ухаанд урвах болтугай. 

Аяа аа бидний жаалхан замбуулин Ашид хойчдын Бурханлаг баатруудын өлгий болон залагдах болтугай. 
 Мэргэн ухаан-Өрөвч сэтгэлээр жигүүрээ хийгээд 
 Мянга мянган ертөнцийг хошуучлах болтугай. Эх дэлхийнхэн. 
 
Жаргалангийн дуулалыг сонсов уу ? Жирэлзэх горхины ариуслын чимээг анирдав уу ? 
Жингэнэх хонхны дууг нь танив уу ?
 ... Таны гүнд Бурхан мишээнэ...
 2022.02.27 Улаанбаатар хот.

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам