Хүмүүн -Бурхад

Харанхуй өрөөг гэрэлтүүлэх адил
Хамаг орчлонг гэгээрүүлэх их урсгал минь
Хайр, энэрэл, нигүүлсэлт мутраараа
Халамж, энхрийлэлээ харамгүй өгөөрэй

Дээрээс буух шидэт рашаан нь
Дэлхий ээжийг минь ундаалан ундаалаарай
Тэвэрч аваад дулаацуулахдаа
Тэнгэрлэг бүхнээрээ харамгүй тэтгээрэй

Буянт гэгээрлийн харгуй зам нээгдлээ
Булт олноороо нэгдэн жаргая
Өр зүрх бүхэнд энэрлийн үрээ суулгаад
Өөдлөн дэвшсээр Хүмүүн-Бурхад болцгооё

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам