Таньдаа баярлалаа

Би өдөр бүхэн залбирах болно.
Би өдөр бүхэн алхах болно.

Залбирахдаа би Таных болгооч хэмээн гуйя.
Алхахдаа би би Таньтайгаа хамт алхан алхая.


Гэрэл гэгээнд Тань дурлан дурлая.
Гэрлийн гүнд орших Хайранд тань нялхарья.
Гэрлийн илчинд  нуугдах Зориг-хүчинд тань жавхаажья
Гэрэл даган ирэх Эрч хүчинд тань зоригжьё.

Амьсгалах бүрдээ Таньдаа л талархая.
Агшин бүхнийг Таныхаа нүдээр л харья.
Бодох бодол минь Таных л байг.
Бурханых гэгдэх Бодит оршихуйд тань хувилан тоглоё...

Өврийн дэвтрээс
Улаанбаатар хот.  2013.04.13.  02: 07

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам