Төгөлдөр хуурч С.Саянцэцэгийн шавь нар тоглолтоо сонирхуулав



Хөгжим бүжгийн коллежийн концертийн танхимд өчигдөр Хөгжмийн зохиолч Ч.Сангидоржийн охин, гоцлол төгөлдөр хуурч С.Саянцэцэг өөрийн шавь нарын хамт тайлан тоглолтоо хийлээ. Монголын сонгодог урлагийн төлөөлөл болон дэлхийн улс орнуудад өөрийн тайлан тоглолтоо сонирхуулж ирсэн тэрбээр энэ удаад монгол шавь нарын хамт төгөлдөр хуурын гоцлол хөгжмүүдийг сонирхуулсан юм.
С.Саянцэцэг нь Испани улсад хөгжмийн сургуультай бөгөөд өмнө эх орондоо ирж, монгол шавь бэлдэж байгаагүй аж. Харин өнгөрөгч оны есдүгээр сард эх орондоо удаан хугацаагаар хүрэлцэн ирж, Хөгжим бүжгийн коллежийн болон СУИС-ын төгөлдөр хуурийн ангийн оюутнуудад өөрийн ур чадвараасаа зааж сургажээ.
Сонирхуулахад, С.Саянцэцэгийн дүү С.Сансаргэрэлтэх  нь саяхан “Гэгээн Муза Х” наадмаас шилдэг жүжгийн хөгжмийн зохиолч номинацид нэр дэвшин “Гамлет” жүжгээр шагнал хүртсэн юм.  Харин 90-ээд оны загварын тайзнаа од болж явсан Ижилцэцэг, Ихэрцэцэг хоёр мөн түүний дүү нар. Тэд цөм аавынхаа үйл хэргийг үргэлжлүүлэн төгөлдөр хуурын гайхамшигийг дэлхий дахинаа таниулж яваа ажээ.
П.Наран

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам