Хувь заяа минь, оршин тогтнол минь, хөх тэнгэр алсын алс дахь одод, хөвөлзөх салхи хөрст алтан дэлхий та бүхнээсээ би чин сэтгэлээсээ гуйя. Би хэн юм бэ, би яах гэж ирсэн юм бэ...
...одоо энэ замбуулингийн хаа нэгтээ нэг нь төрж нэг нь үхэж байгаа, нэг газар нь үүр гийж нөгөө газар нь үдэш болж байгаа, хаа нэгтээ хэн нэг нь аз жаргалаар жигүүрлэж байгаа хаа нэгтээ хэн нэг нь хувь заягаа адалж байгаа. Хорвоо та ганц хоёрхон өнгөтэй бус түм буман өнгөнөөс бүрджээ.
тэрээр амьдралыг утга төгөлдөр зурвал уран Бурхан, харин хоосон дэмий сараачвал хий зэрэглээ болох мэтээ...
Санаж байна би Таныгаа
Санаж сарвайх үрээ хайх мэт
Санааны гүнд хадаатай Таныгаа
Санахын дээдээр санаж байна
Олоон олон өдөр
Орчлон хорвоог би сонжин харлаа
Ондоо амьдрал үгүй мэт
Одоо байгаа газраа эргэлдсээр удлаа
Амьд яваагаа би Таниасаа асуулаа
Алдрайхан үр минь урагшил урагшил хэмээн
Ариун мутраараа адис өгөн
Амьдрал минь чамтай хамт чиний дотор хэмээлээ
Хоёр.
Эцсийн амьсгалаа хураахдаа энхрий хатныхаа дурсгалыг гэгээн мэлмийдээ үлдээж, бүлээн салхиар мөнхөд илбэсэн үлгэрийн түүхтэй өнө мөнхийн хайрын шүтээн Аяа аа Таж махал минь.
Хайрлан хайрлавч хүрч үл чадах хайран хайраа бодон гунигласангүй. Амьсгал юугаан амьд тарнид хувилган цэцэглүүлсэн Аяа аугаа Гэгээнтэн та нартаа мөргье.
Амьсгал тань адислал болог
Алив бүхнээ сайн сайханд зориулья
Алхаа минь орчлонд нэмэр болог
Ажил үйлс бүхэн минь дэлхий эх таных байг
Балчир насны мөрөөдөл жигүүр дэвэн одсон ч
Бодол санаагаа би юунд үл гүйцнэм бэ...
Гурав.
Шувууд адил дүүлэн нисэхсэн
Шулуухан энэ л байгаа чигээрээ эрх чөлөөтэй амьдрахсан
Сэтгэлийн минь гүнд жаргалангийн далай цалгилна
Сэрүү татуулан нэгэн хөлөг хөвнөм ...
No comments:
Post a Comment