Зүгээр л чам дээрээ гүйж очоод
Зөндөө удаан тэврье
Халуун энгэрт тань хурган байж
Хайртай хайртай хайртай гэж шивнье
Сэтгэлдээ дандаа хайрладаг ч
Сэмхэн чамайгаа хармаар байх юм
Бодолдоо дандаа дээдэлдэг ч
Бүр илүү тэмүүлэн тэмүүлнэм чам руугаа
Шөнийн ододтой хамт хайрын ертөнцөөр аялахдаа ч
Өглөөн нарны цацрагтай хамт итгэлийн гэрлээр тань дулаацахдаа ч
Өр зүрхэнд минь богтлоотой гэнэхэн амраг чамайгаа
Өөрөөсөө илүү хайрладгаа өнөө би мэдэрнэм
Аяа амраг минь
Аялгуут хайрын эгшиг чамаас минь дуурсдаг болохоор л
Амин хайрын минь тэнгэр гэгээн байдаг юм
Амьдрал минь өөрөө тэгээд утга учиртай байдаг юм
Өвсөн дээр зүүрмэглэх шүүдрийн мөнгөн дусал адил
үүрийн гэгээнээр эгэлхэн хайр минь сэргэнээ
Нуурандаа шингэх мянга мянган тэнгэрийн дусал адил
Намайгаа тэтгэх хайрын ундарга минь дээ
Зүгээр л чам дээрээ гүйж очоод
Зөндөө удаан тэврье
Халуун энгэрт тань хурган байж
Хайртай хайртай хайртай гэж шивнье
Би чамдаа хайртай
Бүр илүү үгүйлэн үгүйлнэм чамайгаа
Чинийхээ өөдөөс хараад л
Чамдаа би хайртай хайртай хайртай гэж сэтгэлдээ шивнье
Би чамдаа хайртай
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
Ene ih hairyin energy-ee oyunyi energy bolgoh talaas ni bas haayaa bodoj baival zugeer yum daa Deegii mini, shatchihavdaa, hamaagui ih asgarsan hairandaaa shatavzaaa....
ReplyDeletehehe bayarlalaa hairandaa shatahgyi ee yagaad ve gevel hair uuruu amar amgalan bayar jargalan gerel gegee amidraliin mun chanar gej bodoj bna yag l ur udmaa uvluuldeg shig bid hen negniig hairlaj bj l hair maani zogsoltgui ergeh bolov uu
ReplyDelete