Саяхан Батжаргал хэмээх Хөвсгөлийн зураачийн үзэсгэлэнг Занабазарын музеид үзлээ.
Үзэсгэлэнгийн танхимд намуухан ардын аялгуу уянгална. Өмнө минь байгаа зургуудийн сүрлэг төрх, өндөр уулын орой дээрээс эх дэлхийгээ тольдон байгаа агуу нэгэн бидэнд цаг хугацааны тээгийг сэтлэн ирж ямар нэгэн зүйлийг сануулан бас хэдэнтээ тунхаглах мэт ээ. Зураг бүхний дор тэрхүү зурагны мөн чанар, сүнс, дуурсан буй үгийг зураач маань шадлан бичсэн нь утга төгөлдөр, дэндүү сүрлэг өндрөөс нэгээхэн амь тунхаглан дуулж буй гэлтээ байлаа.
Монгол дээлээ өмсөн, даруухан инээмсэглэх тэрбээр орж ирэн буй үзэгчдэд харцаараа мэндчилэн өмнөх ширээн дээрээ ааруултай таваг тавьсан байлаа. Монгол амьсгал, миний монголын аялгуу, миний монголын сэтгэхүйн гайхамшиг энэ бүхэнд хөл алдсан өчүүхэн миний бие тэртээ дээрээс эх нутгаадаа анирласан Тэнгэрлэг агуу Монгол хүч чадлыг мэдэрсэндээ баяртай байна.
монгол мөн чанар, монгол хүч чадал, монгол сүр хүчээ дуургасаар байгаа хүн бүхэнд мөргье. таларханам.
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
No comments:
Post a Comment