өндөр уулын оргилыг зорь

Та хэн байх нь хамаагүй ээ анд минь, та өөрийгөө өөрчлье, сэрээе гэж бодсон л бол болоо шүү дээ. Аз жаргалаар дүүрэн нэгэн ч, амандаа хоолгүй өлмөн нэгэн ч өр зүрхэндээ энэрэлээр дүүрэн л бол, өөрийн болон бусдын тухай боддог бол, өрлөг эх орныхоо өнөө хойчийн тухай сэтгэдэг л бол та ХҮН чигээрээ байгаагийн та зүрхэндээ тэнгэрлэг байгаагийн илрэл шүү дээ.

Өнөөдөр амьдрал хэмээх хатуу тоглоомд ялж, ялагдаж байгаа ч өнгөрсөн цаг мөч бүхэнд ухаажин хэрсүүждэг болохоор л амьдралд бид хайртай байхгүй байхын аргагүй буй за анд минь.

Эргэх мөч бүхэнд хорвоо өнгөө сольдгийн адил хэмжээлшгүй цаг хугацаанаас хэсэгхэн үеийг өмчлөн авсанаараа бид агуугаас агуу аз завшааны, агуугаас агуу боломжийн, агуугаас агуу мөн чанарын хувиргагч шидтэн гэдгээ ухаараач.

Өнгөрсөн бүхэн хумхийн тоосийн адил, ирээдүй ч мөн анирлан ирэх тоос юм бол, яг одоо яг одоо энэ мөн чанартаа, энэ оршин ахуйдаа та эзэн нь юм болохоор та хүч нь юм болохоор таныг хайрыг, таны аз жаргалыг, таны амжилт бүтээлийг, таны энэрэл нигүүлсэлийг, таны зөвхөн таны гэсэн юм бүхнийг хэн ч авахгүй, гагцхүү та л итгэлгүй байдлаараа өөрөө энэ бүхнийг сүйтгэдэг хэмээвээс яг одооноос өөрөө өөртэй үнэнч үлдэн өөрчлөлтийг хийе, хамтдаа хийе, би та хийхгүй юм бол хэн хэзээ энэ бүхнийг хийх билээ . юу таныг аз жаргалтай болгож байна тэр бүхнээ яг одооноос хийе анд минь