Энгэрээс чинь унасан эрх танхил охин тань өнөөдөр л таныхаа өлмийд өнжихийг хүснэм. Цаг хугацаа орон зайд үл тээртэн цаашлан бас наашлан ирэх бүхний тухай хүүрнье.
Таныхаа гэгээн мэлийг ширтэн, таныхаа дүр, таныхаа юм бүхэнд шунан дурлан өнөөдөр л жарган нялхарья ээжээ, хажууд тань сөхрөн суугаад уртаас урт амьдралын тухай үлгэрээ хамтдаа хамтдаа л шивнэлдье миний энхрийхэн ээж минь, эрч хүч амь амьдралын минь эх булаг минь дээ.
Чимээгүйхэн таныхаа өлмийд түмэнтээ сөгдье, чимээтэйхэн танихаа энгэрт эрхлэн эрхэлье, цаг хугацааг зогсоож байгаад ч хамаагүй танихаа хайр гэрэлтсэн нүдийг ширтье, таныхаа юм бүхэнд дурлан би жаргалын дээдийг эдэлнэм, миний жаалхан ээж минь, наддаа орчлонг ариун чигээр нь атгуулсан ачтан минь таныхаа өлмийд мөнхөд үлдэхийг зөвшөөрөөч, ижий Бурхан минь дээ...
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
No comments:
Post a Comment