Өнөөдөр Гандан орлоо. Маш олон хосууд хуримаа хийгээд явж байгаатай таарлаа. Нүдэнд нь оч гэрэлтэн, нисэн дүүлж байгаа гэлтээ инээмсэглэл тодруулан гар гараасаа чангаас чанга атган баяр хөөрөөр дүүрэн байгаа нь хичнээн сайхан байсан гээч.
Насан туршдаа хайр энэрлээр бялхан, аз жаргалаар дүүрэн байж, гэрт нь инээд халгин байхыг та нартаа ерөөнөм.
...Монголын минь тэнгэрт өнөөдөр баяр баясгалан халгин цалгин байгаа нь юутай их энэрэл вэ.
Хавар хайрын нахиа цэцэглээд, намар нь үр жимсээ өгч байна уу гэлтэй Монголын минь гал голомт нэгээр нэмэгдлээ, монголын минь хайрын цэцэрлэг үеийн үед цэцэглэг...
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
No comments:
Post a Comment