Одоо таньд боломж байгаа бол хайртай хүмүүсээ заавал баярлуулаарай

Цаг хугацаа харвасан сум шиг өнгөрөх юм. Нэг л мэдэхэд миний мэдэх тэр он жилүүд хэдий нь түүх болон үлдсэн байх юм даа. Тийм ээ, ааваа охин таньдаа хичнээн их хайртай гээч, өдөр бүхэн таньдаа ямар нэгэн зүйлийг хийж өгөхийг таныхаа хажууд суугаад таныхаа тамхины утааг үнэрлэх жаргал ажээ. 


Аяа амьд Бурхан эжий аав хоёр минь та хоёртой талархаж байна аа, маш их талархаж байна, сэтгэлд минь зүрхэнд минь та хоёрыгоо баярлуулахсан, туслахсан гэсэн сэтгэл хязгааргүй их байгаа болохоор хүсэл минь биелнэ гэдэгт итгэлтэй байна, 


Өчигдөр охин нь та хоёрыгоо хараад ямар их баярласан гээч, сэтгэлдээ зөндөө их уйллаа, өвдгийг чинь дэрлээд тэртээх одот тэнгэртээ хамтдаа хүслээ шивнэж байсан тэр л балчирхан үедээ очих шиг болсон шүү. 


Олоон олон жил хамдтаа байсан байх та хоёрыг минь Хайрын агуу тэнгэр нь адислаг, хамтдаа л хамтдаа л өнө удаан жил хайр баяр баясгалан дүүрэн аз жаргалтай амьдарсаар л байх болтугай, миний хамгаас хайрт хоёр эрдэнэ минь дээ, та хоёр минь гэрийн багана шиг эвтэй, түшигтэй энэрэлтэй шүү дээ Дээдийн дээд бүхэн минь миний хоёр буурайг энэрч хайрлаж тэтгэж байх болтугай. 


Ааваа аа таныг өвдөхөд ээж минь хамтдаа өвдөн хоол унднаас гаран таны төлөө бол өөрт байгаа бүхнээ өргөхөд хэзээд бэлэн байдаг, та хоёрынхоо агуу хайраар, итгэл найдвараар, илч дулаанаар дандаа бялхаж явдаг бид нээрээ азтай хүүхдүүд юм даа, баярлалаа хоёр буурай минь орчлонгийн аливаа бүхэн та хоёрыг минь энэрэл нигүүлсэлдээ багтааж байх болтугай, 


Та хоёртой хамгаас их хайртай үр чинь