өнөөдөр таван сарын нэгэн

өнөөдөр таван сарын нэгэн. Саяхан л шинэ он гарах гээд л бүгд л яарсан хөөрсөн байсан. харин тэгтэл хэдийдээ ийм хол цаг хугацаа чи нисчихээв дээ. Биднээс холдон одсон мөч бүхэн сэтгэлд ямар нэгэн ул мөрөө үлдээсээн.

Тиймээ, бидний эргэн тойронд хүрээлсэн амьдрал хэмээх сорилт, алхам тутамд маань шалгалтаа авч зарим үед санаанд ч оромгүй зүйлийн эзнээр биднийг сонгуулчихаад гэмгүйхэн алслан одсон юм. Гэсэн хэдий ч сайхан эсвэл муухай ямар ч дурсамжтай байсан бид амьдрал гэгддэг дөнгөнд дэндүү их шунан дурладаг.

урин цаг чи урамшил сайшаал, ухаарал баяр хөөрийг улам ихээр бидэндээ нааш нь буулгаарай. Хаврын жиндүүхэн борооны ганц нэг хаялал, эсвэл чи хатуу ширүүнээр шуурсанч гэсэн аль нь аль нь байгаль дэлхийдээ шинэ хүч өгөхийн тулд л байдаг.
Үүн лугаа таниас эхтэй ч тал тал тийш тарсан хүмүүн бидэнд бүхнийг үнэн дүрээр нь харах сийрэх ухаан, сэргэлэн тунгалаг харцыг хайрла. Өнөөдөр гэгээн тунгалаг үүр цайж байна, өнөөдөр өөдрөг сайхан амьдралын төлөө хэн бүхэн хичээхийг өргөн дэлхий сануулнам.



Газарт тасарсан хайлаасны мөчир амьдрал мөрөөдөн цонхон дээр минь нахиалсаар л байна, чамдаа цаг нь болохоор бүхнийг зориулнаа. Яг үүн шиг бид бүтээгч бас бусниулагч та ямар зам сонгосон түүнийхээ үр шимийг хүртдэг. Мөч хором бүхэн бидэнд эргэн ирэхгүй шиг мөрөөдөл төлөвлөгөөгөө биелүүлэхийн тулд өглөө бүхэн гэрэл гэгээ итгэл дамжуулна, үдэш бүхэн одот тэнгэр хайрлан эвийлнэ биднийг.

Бид л мэдэхгүй байгаа болохоос биш хорвоо тэр чигээрээ бидний л төлөө цохилсоор байна...