ашиг харсан амьдралын сонголт

ашиг харсан амьдралын сонголт
алдаж болохгүй торгон агшин гэнэм
алд дэлэм зөрсөн замын зөрлөг дээр
амаа ангайн тэр нэгэн зогсоно

хаашаа ч харсан худал хуурмаг хөвөрсөн
хаашаа янзын дэглэм бэ энэ
хүн хүнээрээ байж болдоггүй юм бол
хүн гэж би өөрийгөө хэлэхээс ичиж байна



тэр нэгний өмнөөс тэрсүүд зан гаргамаар
тэртээ холын аз жаргалын суурийг онгичин сэндийлэх
түүнээс үнэндээ үнэн өөрөө тэр чигээрээ зугтаж байхад
тэнэг царайлаад дагалдах тэр нэгэнг би их өрөвдөж байна даа

эгцэлж өмнөөс минь хараад хүний хэлээр бус
худал хуурмагийн нүдээр гөлөлзөн
хуурамч инээд тодруулах чи намайг элэглэх бус
харин өөрөө өөрийгөө шоолбол зохилтой

хээрийн салхи хөлд орооцолдон
хөгийн зүйл хаа сайгүй болоод байгааг сануулна
тэнгэр хол газар ойрхон гэдэг ч
тэд аль аль нь сэмэрч нимгэрч байнам

халтар царайлжээ миний сэтгэл, хэзээ ч ийм байгаагүй сэн дээ
хаашаа л харнав хөх саарал үнс нурам шуурсан
хорвоогийн олон өнгө хэдийдээ ингээд
хулжин одоов дээ, хөөрхий бидний амьдрал

үдэш бүхэнд өөдрөг сэтгэлээ зүрхэндээ эвхэн
хараа хүрэмгүй өндрийн өндөрт дүүлдэгсэн
харин энэ үдэш тэнгэр тоостой
хоолой дотор гашуун утаа хурган шургана