Энхрийхэн минь дээ



Энхрийхэн минь дээ
Ээж нь чамдаа хайртай
Дэмий үг хэлж чамайгаа зэмлэсэн бол
Дэндүү тэнэг ээжийгээ уучил

Зүрх минь чинийхээ өмнө сөхрөөд
Сэтгэл минь чинийхээ төлөө зовниод
Амьсгал минь чинийхээ төлөө цохилоод
Амин үр чамайгаа хайрлаж, харамлахдаа л уурласан байх



Гадаа харанхуй, хүйтэн байна
Голын хайртай үр минь айчих вий, даарчих вий дээ гээд л
Гэгэлгэн сэтгэлдээ чамайгаа дэнслээд
Галзуурсан мэт хайрласан юм байж

Одоо, чамайгаа зэмлэхгүй ээ, үрдээ итгэж байна
Агуу Бурханыг дуудан дуудах болноо ээж нь
Амин үрийг минь хайрлаж, хамгаалаач хэмээн
Аминчлан , наминчлан гуйх болноо

Аз, амьдрал, хайр, инээд, гэрэл, ирээдүйг
Алган дээр минь буулгасан ачит үр минь
Алдрайхан чамдаа ижий нь хайртай
Аяа миний энхрийхэн минь дээ

Эвий минь, үр минь, ээж нь чамдаа дэндүү их хайртай
Энгэрээс минь унасан эрх бяцхан үр минь дээ

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам