Хичээгээрэй үр минь
Насан туршдаа талархаж явсан юм шүү үр минь би чамдаа
Нандин мөрөөдөл, хайр гэрэл гэгээ минь билээ чи
Цэнхэртэн мэлмэрэх далай адил
Цэвэр ариунаарай гайхуулах амь амьсгал минь
Хичээгээрэй үр минь
Бүхий л цаг хугацааны турш би чинийхээ төлөө залбирч
Бүр илүү шунан дурланам үр минь би чамдаа
Анирлан суунам чинийхээ өмнө
Аминчлан даатганам амин үр чамайгаа
Хичээгээрэй үр минь
Чи минь итгэл найдвар минь
Чинхүү итгэл минь гэвээс чи миний бүхий л ертөнц
Зам тосон цэцгэн эрхиэ сүлжин
Замбуутивийн амьд Бурхан чамдаа өргөнөм
Хичээгээрэй үр минь
Насан туршдаа чамдаа итгэж явсан юм шүү
Наашаа би чиний л төлөө ирсэн юм
Итгэл найдвар минь эгц шулуун бос
Эрх чөлөөний дууч шувуу шиг энэ орчлондоо дүүлэн нис
Хичээгээрэй үр минь
Хэн хэнээс илүү чамдаа би хайртай
Аяа миний амин үр минь дээ
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
No comments:
Post a Comment