Зүрхнээс зүрхэнд - орон зайн аялал- Шри Чинмой

 Санан дурснам

Санан дурснам би ...

Хамаг бүхэн нь болсон намайгаа

Хайрлан энэрч өсгөсөн ээжийгээ би санан дурснам.

Хамаг мөрөөдөл нь болсон намайгаа

Хайрлан энэрч өсгөсөн аавыгаа би санан дурснам.

Хамгийн дээд оргил нь болсон намайгаа

Хайрлан энэрсэн гэрээ би санан дурснам.

Санан дурснам би ...
Үүрийн гэгээнээр залбирч байсан үеэ санан дурснам.
Үдийн нарнаар наадан тоглосон насаа санан дурснам.
Энхрийхэн хөгжилтэй амьдралаа би санан дурснам.

Санан дурснам би ...
Анивчих ододтой хамт дуулдаг байснаа санан дурснам.
Хөвөн хөөрөх сарантай хамт бүжин баясдаг байснаа санан дурснам.
Ай халаг халаг энэ бүхэн минь гэвч

Дэндүү хурдан надаас хагацсан даа.

Санан дурснам би, санан дурснам би, санан дурснам би.

I Sing, I smile

I sing because You sing,

I smile because You smile.

Because You play on the flute

I have become Your flute.

You play in the depths of my heart.

You are mine, I am Yours:

This is my sole identification.

In one Form
You are my Mother and Father eternal,
And Consciousness moon, Consciousness sun,

All pervading.

Мөнхжин

Алдхан биений эс ширхэг бүхнээ
Асралт Түүний хэмжээлшгүй Ивгээл мэдрэгдэнэ.
Амин зүрхний гүнийн гүнээ
Амьдралын Үнэн туяаран гийнэ.
Тэнгэр Бурханы нууцлаг өндөр өөд
Тэмүүлж аснам миний сүнс.

Дүнсгэр гуниг, өвчин зовлон, үхэл хагацал
Нүдэнд минь ер үзэгдэхээ больжээ.
Үхэл хагацал дагуулсан эгэл хоног өдрүүд
Үнэнхүү тогтуун амгаланг минь бусниулж үл дийлнэ.

Өндөр дээдээс гийсэн Гэрэл
Нууцлаг сүнсийг минь тэтгэнэ.
Өөрийн минь дотор сэтгэлээс
Эргэлзэл, гуниг тонилон зайлжээ.
Эгээрэн хүссэн хэтийн Зорилгодоо
Гал цогт нүд минь нэвтлэн шингэжээ.

Эгэлхэн хорвоод би амьдравч
Гуниг гутралд үл автана.
Эрх чөлөөт их далайн гүнд
Өөрийн дураар сэлнэ.

Ухаан санаа минь Түүний
Хэмжээлшгүй их Бодлын гол цөм нь болов.
Уужим тэнүүн одот тэнгэр
Амгалан сүнсийг минь тэврэн угтав.

Цахилан урсах цаг хугацааны дотроос
Мөнхийн өдрүүдээ би олов. 
Цангинам яруу Түүний лимбээр
Эгшиглүүлж би наадав.

Огтын боломжгүй хэрэг явдал
Боломжгүй байхаа больсон мэт санагдана. 
Олон олон төрөл үхлийн хэлхээнд
Үхэлгүй Мөнхжин гэрэлтэн гийнэ.

эх  сурвалж:  http://www.srichinmoy.org/mongolian