Монголын их хүү Давгадорж

Бага байхдаа Хиросима  дахь эмгэнэлт явдлын тухай сонсоод Япон хүүхдүүдийн биелж амжаагүй хүсэл мөрөөдлийг гүйцээх гэж мөн ч их цаасан шувуу хийж нисгэдэг байж билээ. Харин дараа нь Япон орныг Фүжи уул, карате, жу-догоор төсөөлж бүр дараа нь үсрэнгүй хөгжилийн гайхамшиг, компьютер гээд л шинэ юм бүхнээр төсөөлдөг  болсон.

Харин Батбаяр, Давгадорж гээд л Монгол хөвгүүд маань Японы сумогийн дэвжээн дээр хүч үзэх болсноос хойш  Япон орны талаарх мэдээлэл ихсэж, улмаар Монголынхоо нэрийг  дэлхийн тавцан дээр мандуулж байгаа тэднээрээ бахархаж омогшдог болсон юм.

Өнөөдөр нэгэн хүү маань тэрээр Японы сумогийн дэвжээг орхин зодог тайллаа. Бөх хүн зодог тайлах мөчид барилдаж байснаасаа илүү үүрэг хариуцлагыг хүлээж авдаг. Тэр бол амьдралын тулаанд хүн чанараараа үлдэх тулаан байдаг билээ.

Тиймээ Давгаа минь , Монгол эр хүн эх орон, эцэг эх, үр хүүхдийнхээ өмнө л хайраар сөхөрдөг, зүрхэндээ уйлдаг.  Зуу зуун . мянга мянган жилийн өнө эртний түүхтэй Их Монголын түүхийн нэгээхэн хэсэг нь байж,  омголон дээрэнгүй, бардам,   талын хөх чоно шиг гарамгай дайчин, Шинэ Монголын эх оронч хүү Таньдаа талархаж явдагаа илэрхийлье.

Сэтгэлдээ эх орноо дээдэлсэн, зүрхэндээ эх дэлхийгээ цэцэглүүлсэн чамдаа энэ орчлонгийн сайн сайхан бүхний дээдийг хүсэн ерөөе.