Бүсгүйн хормой дэрвэх шиг

Бүсгүйн хормой дэрвэх шиг
Бондгорхон гүзээлзгэнэ навчин дор нуугдана
Аманд уусах таатай амт
Сэтгэл хөглөх чиний л ааль

Чамайг амталмаараа
Чамдаа уусан эрхэлмээрээ
Тийм л нэгэн ханамгүй жаргалан минь

Улаахан уруулыг чинь хүснэ
Ягаахан хацрыг чинь хүснэ
Уяхан чамдаа би эрхлэхсэн
Ухаанаа мансууртал жаргахсан


Чамайг амталмаараа
Чамдаа уусан эрхэлмээрээ
Тийм л нэгэн сайхан жаргалан минь

Энхрийхэн чамайгаа би тэврье
Энэ л хорвоод би тэр чигээрээ чинийх
Амрагхан чамайгаа би үнсье
Агуу хайрын үлгэрээ л шивнье

Чамайг амталмаараа
Чамдаа уусан эрхэлмээрээ
Тийм л нэгэн сайхан мэдрэмж биднийх ээ

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам