Зөөлөн бороо зүрхэнд шивэрнэм



Зөөлөн бороо зүрхэнд минь шивэрнэ
Зөвхөн чиний дүр л сэтгэлд минь эргэнэ
Санан үгүйлнэм сайхан чамайгаа
Саатан торолгүй гүйгээд л очихсон доо

Ногоохон нахиа дэлгэрэн дэлбээллээ
Найртай хаврын дуугаа тэр эхэллээ
Уярлын цэнхэр хайрын улирал
Уянгат орчлонд бүжгээн эхлүүллээ



Зөөлөн бороо зүрхэнд минь шивэрнэ
Зөвхөн чиний дүр л сэтгэлд минь эргэнэ
Санан үгүйлнэм сайхан чамайгаа
Саатан торолгүй гүйгээд л очихсон доо

Би чамдаа хайртай
Бүр бүхнээс илүү үгүйлнэм чамайгаа...

2 comments:

  1. AnonymousMay 6, 2010 at 6:10 AM

    Shiverne bish shivrene baih bolovuu gej bodoj baina, gehdee neg l sonin saihan shuleg bainaa, amjilt.

    ReplyDelete
  2. AnonymousMay 14, 2010 at 10:14 AM

    bayarlaa zyrhend shiversen zuulun boroo mini

    ReplyDelete

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам