Ээжээ таньдаа баярлалаа

















Тэнгэрлэг нэгэн эх даруухан аж төрнө
Тэвэр дүүрэн цэцэгс адил үрсдээ хайртай
Өөрийн бус өрөөлийн төлөө бүхнээ зориулах
Өрөвч, өглөгч нэгэн та бол миний Эх


Бусдын сэтгэлд цучил нэмэх гэрэлт Очис
Балчир үрсдээ хайраа зориулах агуу Нигүүлсэл
Хариу нэхээгүй ариун хайрын тань өмнө
Хайлан үр тань мөнхөд сөгднөм.

Биеэсээ Бурхан амирлуулсан Эх минь
Биднийгээ Бурхан гэж хардаг Та минь
Ханийгаа Хан Тэнгэр хэмээн шүтдэг шүтээн минь Та
Хайр энхрийлэл, аз жаргалаар дүүрэн
Дүүрэн билэгт энэ л орчлондоо
Дүүрэн дүүрэн жаргалтай байг ээ

Тэнгэрээс цэцгэн эрхи гэрэлтэн буугаад
Тэнгэрлэг таны минь тэргүүнд цэцгэн титмээ өргөлөө
Тиймээ охин үр минь чамдаа баярлалаа гээд
Тэнгэрлэг хайраа эндээ үргэлжүүл үргэлжүүл хэмээн тунхаглав

Ээжээ таньдаа баярлалаа
Энх мөнхөд хайртай шүү Таньдаа
Энгүй их аз жаргалыг, энэ биеээ надаа өгсөн Ээж минь
Эрхэм нандин хүслээ хэл
Эрх чөлөө, хайр, энэрэл гэгээрэл тань
Энэ л хорвоодоо уусан жарганам

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам