Тиймээ, бид хэдүүлээ билээ, бид хаашаа явж байгаа билээ, бидний өмнө юу байна вэ гээд л олон асуултууд байхад ядаж Монголчууд бид хэн нэгнээ шүүмжлэн хардагаа, сэтгэдэгээ болих хэрэгтэй.
Тэд ч бид ч адилхан жирийн л хүмүүс. Хэрэв бүгд ижилхэн л нэг л зүйл хийдэг ярьдаг, бүгд л адилхан нэртэй бол энэ орчлон ёстой бөөн холион бантан болно шүү дээ.
Тийм болохоор хажуудаа байгаа нэгнээ хорын нүдээр, сэтгэлээр бүү хар, Түүнд сайхан байгаа учраас тэр дуртай зүйлээ хийг л дээ, магадгүй буруу байж болно.
Өөрөө энэ бүхнийг үзэж туулж байж амьдралд хат суух ч юм билүү хэн мэддээ.
Бид хэн нэгнээ шүүмжлэж буй тэр сэтгэхүй нь цаг хугацааг хэр үнэлж байгаагийн илрэл буй за. Учир нь бидний дундуур асар их боломж, аз завшаан, хүч гээд л юм бүхэн зүгээр л холдсоор л байхад хайран цагийг хайртай хүмүүсээ, өөрийнхөө нэг хэсгийг халаглан хардгаа больё.
Хүн нэг бүр өөрөө өөртэй сэтгэл бардам байж, өөрөө өөртэй чин сэтгэлээсээ үнэнч байгаасай, тэр цагт бусдын буруу ч гэсэн байж л байдаг жирийн л зүйл болно.
...Энэ хорвоод бид бүгд нэг цэгээс ирсэн юм бол нэг л цэг рүүгээ одно байх. Тиймийн учир өөрчлөлтийг өөрөөсөө хийж, яагаад өөрөө өөрийнхөө төлөө аз жаргалтай, сэтгэл бардам амьдарч болохгүй гэж...
No comments:
Post a Comment