Амьдрал хэмээх хайрын дөнгөтэй би, алсаас чамайгаа хайх эрлийн үзүүртэй, ээ дээ би мөн азтай хүн ээ дээ. Тиймээ, яг л одоо би чамдаа эрхэлмээр байна, энгэрт чинь асаад зүггүйтмээр байна. Баланд дурлах зөгий мэт, бялууран чамдаа уусахыг ямар их хүснэм бэ. Хүсэл мөрөөдөл минь холын холд одоод хөөрхий намайг юунд ганцаардуулнам бэ. Хүний хүнд дурлан зүрхээ шархлуулан шархлуулан хүйтэн занг чинь юунд ингэтлээ их тэснэм бэ.
Хатуу чанга мөсөн уул хаварт дурлаад уусан замхрах адил чиний л өмнө би замхрах манан болоод цэх өөдөө уусан одном. Амраг минь би чамайгаа зам зуураас хайгаад олохгүй ээ, заяа тавилан минь биднийг учруулсан , хагацуулсан нь үнэн юм бол заавал биднийг золгуулах буй за. Дээдийн дээдэд дүнхийх асралт дээд тэнгэртээ дэргэд минь үгүй чамайгаа би даатгалаа. Харж байх хань минь болсон хан тэнгэр минь яг одоо л яруу тунгалаг эгшгээ эгшиглүүл, янаг дурлалт түүнийг минь над руу илгээгээч.
Яг одоо би чамайгаа хэзээ хэзээнээс илүү санаж байна.
No comments:
Post a Comment