Яг одооноос өөрийгөө л өөрчил

тийм ээ бид үнэхээр агуу ард түмэн. Одоо болтол бидний өвөг дээдсийн хийсэн, урласан бүхэн оньсого хэвээрээ л байна. Үнэндээ энэ нандин тэнгэрлэг ухаан бол зөвхөн монгол хүний сэтгэл зүрхний гүнд оршдог нууц буй за.

...миний монголын залуучуудаа, монгол хэмээн зүрх нь цохилон байгаа бүхэн минь харь орны ялангуяа олон сериал урлагт ядаж шунан дурлан ухаанаа, үнэт цаг хугацаагаа алдаж байдгаа больё л доо. Яахав нэг хүний эрх байж болох хэдий ч энэ бол зөвхөн бизнес.

Биднээс нисэн одож байгаа цаг хугацаа үнэндээ ямар их үнэ цэнэтэй гээч. Өдөр бүхэн өглөөгөөр эхэлдэг ч нэгэн цэгт бид бүгд нисээд л одно. Иймд хүн нэг бүр, монгол хүн нэг бүр үр удамдаа монгол арга ухаанаа өвлүүлэхийн тулд өөрсдөө цаг мөч тутамд сурцгаая, өөрсдөө үр хүүхдүүддээ монгол гэдгээрээ бахархаж байхын тулд эх оронч байцгаая.



хай гээд мэндлэхийн оронд сайн байна уу гэж мэндэлцгээе. Өнөөдөр бидэнд хөгжил юм бүхнийг өгч байна. Гэтэл бид заавал эх хэлээрээ гүйцэд бичихгүй яагаад хазгай мурий бичээд , яриад байна вэ, залуу байхад хэлээ зажлаад өөрөө өөртэй эрхлээд сайхан л байдаг байх, эргээд хартал бидний одоогийн дутуу хагас яриа хойч хойчдоо улам л ээдрээтэй болоод л байна шүү дээ. Бид одоо яг одоо энэ бүхэнд цэг тавих хэрэгтэй.

Холын холд байгаа соёлыг бус харин нандин нууцлаг монгол ухаанд суралцахыг хичээе.
Магадгүй хорь, гучин жилийн дараа хэн байх вэ хаана байх вэ ямар хүн юу хийж байх вэ гэж өөрөөсөө асуу, тэгээд өөртэй итгэлтэй бардам бай.

Та юу хүсэж мөрөөднө түүнийгээ л авдаг. Иймд та юу ч мөрөөдөж болно, яагаад мөрөөдөлд тань монгол минь, та ч бас сайн сайхан байж болохгүй гэж.

Зөвхөн өөрийгөө даван туул, өөртэй л шунан дурла, та энэ хорвоод өөрийнхөө санаанд ч багтамгүй ямар их сайн сайхан зүйл хийж бүтээх хүчтэй гээч.
Яг одооноос та өөрийгөө өөрчил анд минь. Та ямар байна таны эргэн тойрны ертөнц тийм л байна. Танд амжилт хүсье.