Амьдрал таны аяархан шивнээ салхитай хамт сэтгэлд минь шингэв. Тэрээр алаг хорвоогийн түмэн зүйлсийн тухай эцэс төгсгөлгүй ярихыг хүссэн авч тэгсэнгүй. Харин аргадан аргадан учирлан учирлана.
Илбэн илбэн хайраа илчлэх эх шиг минь, эрс шулуун үнэнийгтүс тас хэлэх эцэг шиг минь нэг зөөлөрч, нэг хатуурхана.
Гэвч амьдрал та аядуу зөөлнөөр аанай л ухааруулах гэж бүхнээ барив.
Тиймээ цаг мөч бүхэнд хамт байж царай царайгаа хараагүй ч сэтгэлд минь байж, амьдрах итгэл, хүсэл, тэмүүлэл бүхнийг харамгүй өгсөн Амьдрал таньд баярлалаа.
Шивнээ шивнээ гэдэг нь илбэнэ илбэнэ гэдэгтэй утга нэгэн уусан уусан над руу урсана.
Би урт удаан амьдарнаа. Бурхан хүмүүсийн өвдөж зовж байгааг мэдрэхийн тулд нэгэн биед шингэжээ. Та мэдтүгэй. Энэ бүхэнтэй би ухамсартайгаар тэмцэнээ. Учир нь би эх хүн, ээж хүн, өр зүрхэнд минь цэцэг шиг сайхан тэнгэр шиг уудам амьдрах хувьтай балчирхан үрстэйгээ би Бурхан таны хүссэн тэр цаг хүртэл нэртэй төртэй амьдрах болноо. Амлая. Ум.
Хязгааргүй уудамд бид аялнам. Хэмжээлшгүй сайхан хайранд бид нялхарнам. Бид энэ сайхан ертөнцөд бүхний эх ундарга болон уусахсан. Анд минь өр зүрх тань юуг хүсэж, хаашаа тэмүүлнэ вэ?
Subscribe to:
Post Comments (Atom)
Эх нутгаадаа гүйсэн мөнхийн аргамжаатай оршихуй
Тэнгэрт асах түм буман одод
Сэтгэлд бадамлах хязгааргүй жаргалын тэмүүлэл
Итгэлд улалзах халуун дулаан илч
Эх нутгаадаа гүйсэн мөнхийн аргамжаатай оршихуй
Аргалын утаа суунаглан суунаглан цогшихуй яа
Ардын дууны шуранхай уул талыг дамжин цуурайтнам
Асгарсан дусал бүхнээрээ амиа өргөдөг хорвоод
Аяа Монгол хүмүүн хэмээгдэх нь жаргалын дээд гэнэм
Хадган хөх Тэнгэр Та, эцгийн минь дүрд хувилаад
Хаашаа ч намайг очсон халамжлан энэрч байнам
Нутгийн минь хөх салхи нууцхан хүслээ дайгаад
Нэвширтэл орох борооноор нэрийг минь үглэн харанга дэлдэнэ
Зүрхний минь амар амгаланд ээжийн минь өргөсөн сүү бий
Зүүдний минь баяр жаргаланд зэргэлээн дундах хулангийн тоос бий
Талархалын тарни минь таньтай хамт бий эх нутаг минь
Таны төлөө би энд ирсэн юм, би монголынхоо төлөө шатнам
No comments:
Post a Comment