Гэрлэн тэврэлт

Зүрхэнд хадгалагдсан олон нууц
Зөрж одох орчлонд хөвөрсөөр л
Илчилж болохгүй нандин нууц
Энх өглөөний наран адил эрхэм юм

Баярлаж байгаагаа хэлж болох ч
Баясан хөөрснөө илэрхийлэх боломжгүй
Хүмүүний ертөнцийн гайхамшигт аалзны тор
Хэдий болтол энэ ертөнцөд үргэлжлэх бол


Гэгээн гэрэл мэлс хийн үүрийг бидэнд тэврүүлдэг шиг
Ялдамхан үрээ энхрийлэх адил
Яасан их биднийг халамжилна вэ

Аяа гэгээн гэрэл минь чи минь илч дулаан өгнө
Чи минь итгэл найдварыг  өвлүүлнэ
Анзаараагүй явсан он жилүүдийн уртад
Алдаж оносноо энэ насандаа л эргэн тунгаанам

Амьдрал таны өдөр бүхний сургамж
Алс холоос нандин эрдэнийг шингээнэм

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам