Beautiful cosmic dance...


Галактикийн хамгаалагч ах дүү хоёр

Гэгээн дүрээрээ хаяахан ирэхэд

Наран ээжийн танхилхан үрс

Нандин нөхөрлөлөө улам бататгана.


Хөхрөх огторгуйн чандмань эрдэнэ  дэлхий минь Та

Хэмжээлшгүй уярам дулаан сэтгэлээ

өргөн дэвшүүлнэ үү.


Одод хязгааргүй хязгаараа даван туулсаар л байг.

Оройн чимэг болсон нь Сансрын үзэсгэлэнт бүжгээ бүжсээр л байг.

Орчлон ертөнц аз жаргалаар бялхан бялхсаар л байг.

Одоо яг одоо энхжингийн эрин нээгдлээ .....


2020.12.22. 01.32

Улаанбаатар. Бага тойруу

П.Дэлгэржаргал

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам