Төгс оршихуй


Халуун зунаар өвлийг хүсэмжилнээ
Хавирган сарны дор оддын чуулганыг эрнэм
Төрөл бүхэндээ чамайгаа л түмэнтээ хайсансан.

Түмний дундаас түүнийгээ олсон ч
Тэврэн өмчлөх боломж нь  үгүй аж
Мянган жил хайсан чамайгаа л би олсон болохоор
Мөнхийн Хайрын тэнгэрт итгэж байна

Дахин дахин чамайгаа би алдахгүйн тулд
Дотоод нэгдлээрээ чамдаа уусан нэгдэе ээ

Хайх хэрэггүй ээ одоо би бүтэн болсоон
Хамаг оршихуйн тоглолтонд хамтдаа л тоглоё оо

Нилэнхүй орчлонг  гэгээн гэрлээр сүлэн
Нандигнан дээдлэн жаргаланг ундраая юу

Өврийн дэвтрээс
П.Дэлгэржаргал

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам