Баяр жаргалан

Баяр жаргалан хэмээх энэ үг хичнээн их хүч агуулна вэ?

Бурханы амь амьсгал амьтай бүхэнд шингэхдээ яасан их баяр хөөртэй байдаг бол.
Хязгааргүй уудамд сансрын түмэн живаа, тоолж баршгүй их урт удаан, цаг хугацаа хэмээн нэрлэгдэх тэр  их аянаас мултарч гараад энэ жаалхан эх дэлхийдээ ямар их үнэ цэнээр бидний энэ насны амь ирсэн юм болоо?

Бид л байгаа энэ эрхэм нандин хувь тавилангаа  байдаг л зүйл шиг үл хэрэгсэж,  тоохгүй болохоос биш бид үнэндээ Бурхан хэмээн  тэр нэгэн зүйлийг нэгээхэн эд эс нь аж.
Хүссэн ч хүсээгүй ч бид орчлонгийн их наадгайн үнэт тоглогчид шүү дээ.

Зөвхөн амин хувиа бодолгүй орчлонд бүхнээ даатгая.
Гайхалтай сайхан хувь ерөөл, тавиландаа талархая.

Юутай сайхан.

Бид нэгэн цагт чулуу байсан. Чулуу элс шороонд хувирах ахуйдаа ч орчлонгийн тоглолтын бат суурь фундамент болж байж. 

Дараа нь үзэсгэлэн төгс цэцэгс мододод хувирахдаа өсөлт хөгжилт. 

Үр хойчийнхоо төлөөх цаг хугацаатай тулалдсаар л байж.

Ингээд ан амьтан, өт хорхойнд хувилахдаа магадгүй арваганан тарвалзаж, амь амьсгал дуу чимээ, зан араншин гээд л бүхэнд суралцжээ.

Одоо бид хүн төрөлхтөн.

Агуу мэт боловч дахиад л уудам орчлонгийн өнөөх л элсний ширхэг.
Гэсэн хэдий ч бид бол ирээдүйн бурхад
Орчлонгийн баяр жаргалангийн эх ундарга.
Оргилон гарах тэмүүлэл
. ..