Тиймээ, би итгэж байна

Тиймээ би итгэж байна.
Энэ орчлонд ирсэн дэндүү сайхан хувь заяандаа итгэж байна. Хаанаас ч юм бэ өр зүрхэнд минь зөөлөн энхрийхэн хайр урсан ирэхийг мэдэрнэм.

Хаашаа ч юм бэ тэр сайхан хайрыг улам итгэл төгөлдөр, үнэнч ариухан болгон хувирган алсын алсад хамтдаа нисэцгээхийг хүснэм.

Тиймээ, би итгэж байна, итгэсээр ч байх болно.
Андын нөхөрлөл анхны бороо шиг зүрхэнд минь уянгатайхан орном.
Амрагийн үнсэлт шөнийн одод шиг тэнгэрт эрх чөлөөтэй дүүлэн ниснэм.
Алиахан үрс нь аз жаргалын гэгээхэн урсгалын гэнэхэн ундарга
Аяа замбуулин Та юутай энхрийхэн диваажин юм бэ

Би Итгэж байна.

2018,03,04 УБ хот. Бага тойруу

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам