Хөгжмийн аялгуунд цэцэгс эрхэлнээ

 

Нууцлаг содон аялгуу
Нуур далайг уяраана

Нандин тансаг аялгуу
Нарт хорвоог уяраана

Аялгуу бүрээс нь цэцэгс дэлгэрч
Алсын оддын зүг ниснэ

Амьдрал хэмээх их далайн
Аз жаргал болон анхилгаа түгээнэ

Нууцлаг содон аялгуу
Зүрхний хэмнэлээр зүг бүр тийш жигүүрлэнэ

Нандин тансаг аялгуу
Найртай сайхан амгаланг ерөөнөм

 

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам