Мөнх оюу тэнгэрийн дор мөнх жаргалтай амьдраарай

Хорвоод хөтлөлцөөд ирсэн
Хонгорхон ихэр үр минь
Хайрын хорвоог уяраасан
Хөөрхөн ихэр Бурхад минь
Дахилт:
Мөнх оюу тэнгэрийн дор
Мөнх жаргалтай амьдраарай
Мөнх оюу тэнгэрийн дор
Мөнх жаргалтай амьдраарай
Баяр баясал авчирсан
Балчирхан ихэр үр минь
Бүүвэйн дуундаа нялхарсан
Бүлтгэрхэн ихэр Бурхад минь
дахилт
Ариун хайрыг тэтгэсэн
Алдрайхан ихэр үр минь
Аз жаргалыг ундраасан
Аав ээжийн Бурхад минь
Дахилт
Ихэр ач охидынхоо нэг насны төрсөн өдрөөр зохион энэ дууг дуулж өглөө.
2015,01,24 УБ хот

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам