Зөөлөн аялгуу

Зөөлөн аялгуу
Зүрхний минь гүнээс зөөлөн аялгуу ундарнаа
Зүйрлэшгүй сайхан хайр болон урснaа
Зүг зүг тийш алслан одох чиний анир 
Зүйрлэмгүй тансаг нaндин нууцыг тээнээ
Үүрийн гэгээ өглөөг бидэнд авчирнаа
Үглээ болжмор цонхны цаана шулганан жиргэнээ
Үрийнхээ үрийг энгэртээ тэврэн зулайг нь үнэрлэхэд
Үүрдийн жаргалан сэтгэлд бадамлан дэлгэрнээ
Өндрийн өндөрт үүлс нь нартай эрхэлнээ
 Үeийн үeд мөнхөд илчээ түгээнээ
Өр зүрх минь ижий дэлxийнxээ бүйвээнд нялxарахад
Өөрөө би өнөөдөр таныx болохоо ухаарлаа
/2016-05-07.
Улаанбаатар.
бага тойруу/

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам