Анд минь чиний амьдралд алдах үе байсан уу. Надад алдаж эндэх явдал бишгүй л тохиолдож байлаа. Үнэндээ алдах вий эндэх вий гэж хэтэрхий их болгоомжлон, өөртэй итгэх итгэл дутсанаас л алдаа нэрээр агуу туршлага ирдэг юм байна даа. Одоо энэ цаг мөчөөс хойш би алдсан ч бай хамаагүй урагшлах болно, зүтгэх болно.
Хаяа хүний амьдралд ухрах үе байхад, хаяа урагш зүтгэхээс өөр гарцгүй үе ч тохиолддог шүү дээ. Маш их эрчтэй ус уруудаж байлаа гэж бодьё. Тэрээр ямар нэгэн саадтай тулгарахдаа ая эвийг нь олоод тойроод ч бай хамаагүй аялалаа цааш нь үргэлжлүүлдэг шүү дээ. Үүн лугаа гагцхүү зорисон зорилго руугаа тэмүүлцгээе.
Цэцэг ч гэсэн гэрэл гэгээ өөд амьдрал өөд дээшээгээ ч доошоогоо ч хажуу тийшээгээ ч байдаг хүч чадлаараа тэмцэн тэвчээр заан тэнхээрч эцсийн зорилгоо биелүүлэн гоо сайхнаа ертөнцөд харамгүй түгээдэг. Юу ч горидолгүй ариун анхилга гоо сайхнаа өргөдөг.
Тиймээ хүмүүн бидэнд байгаль дэлхий, орчлон хорвоогийн эгэл бүхэн бүхнээ зориулж байгаа нь бидний агуу их хувь тавилан буй за.
No comments:
Post a Comment