Гэрлэн дагинас

 
Цав цагаахан гэрлэн цэгүүд хөөрөн хөгжилдөнө
Нэг нэгээр аниргүйхэн уусан жарган үржсээр л
Гэрэл гэгээн өнгөт захиасыг гэм зэмгүйхэн дамжуулан
Гэгээрэл, баяр жаргалангийн далайг тунхагланам бус уу


Цав цагаахан гэрлэн дагинас
Цэвэр ичимтгий бас даруухан
Бусдын хайранд очис болон баясч
Буман зүйлийн жаргалангийн эх ундарга нь билээ л

Ариун амьсгалаа бидэндээ зориулан
Амь тавин одох хөөрхий гэрлэн дагинас
Амьдралын хүрдийг эрчлээхийн тулд л
Аз жаргалтай наадан бүжсээр л…

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам