Сэтгэлийн шувуу алсад ниснэм. . .

Хаяа сэтгэл минь хачин их үймрэх юм. Чиний минь нутгаас ирсэн хөлөг. . .

Харахад хичнээн сайхан, хажууд нь чамайг байхгүйг мэдэж байгаа ч хаа нэгтээгээс гараад ирэх вий гэж удаан харж зогсоно. Чамайгаа үгүйлэх сэтгэлтэй минь хамт цаг хугацаа зогсох шиг. . . 

Бороон дусал ганц нэгээр дусалсаар шиврэн шиврэн орлоо. 
Харин сэтгэл минь халуухан тэврэлт, зөөлөн шивнээг бэдэрнэ.
Би чамайгаа маш их санаж байна. Байнга санадаг. Харин чи намайг үгүйлдэг болов уу. 

Цаг хугацаа, оршин тогтнол минь Бие биедээ хайртай хүмүүс аз жаргалтай байхад туслаарай. 

Эвий минь тэд л энэ хатуу хорвоог уярааж байгаа ч юм бил үү. . .

No comments:

Post a Comment

Subscribe to: Post Comments (Atom)

Эх нутгаадаа гүйсэн мөнхийн аргамжаатай оршихуй

Тэнгэрт асах түм буман одод

Сэтгэлд бадамлах хязгааргүй жаргалын тэмүүлэл

Итгэлд улалзах халуун дулаан илч

Эх нутгаадаа гүйсэн мөнхийн аргамжаатай оршихуй


Аргалын утаа суунаглан суунаглан цогшихуй яа

Ардын дууны шуранхай уул талыг дамжин цуурайтнам

Асгарсан дусал бүхнээрээ амиа өргөдөг хорвоод

Аяа Монгол хүмүүн хэмээгдэх нь жаргалын дээд гэнэм


Хадган хөх Тэнгэр Та, эцгийн минь дүрд хувилаад

Хаашаа ч намайг очсон халамжлан энэрч байнам

Нутгийн минь хөх салхи нууцхан хүслээ дайгаад

Нэвширтэл орох борооноор нэрийг минь үглэн харанга дэлдэнэ


Зүрхний минь амар амгаланд ээжийн минь өргөсөн сүү бий

Зүүдний минь баяр жаргаланд зэргэлээн дундах хулангийн тоос бий

Талархалын тарни минь таньтай хамт бий эх нутаг минь

Таны төлөө би энд ирсэн юм, би монголынхоо төлөө шатнам